16號鍊金大典.後記

2017年7月16號,鍊金大典好順利地完成,鍊金大典之後一直冇更新,對於有關注我地手工房事宜既讀者,我係有需要作出道歉,令到專頁沉寂左好一陣子,我係需要負啲責任既。

言歸正傳,我地順利將96個空鋁罐熔解,從中收集純粹鋁金屬,製成鋁條同鋁餅。

幼鋁條將會用黎做戒指手鐲等等飾物;

粗鋁條可以打磨做簡單手工件;

鋁餅就會重新熔解再注入任何形狀既鑄模;

將鋁罐燒熔做鋁餅,再將鋁餅燒熔倒模,會唔會啲步驟重覆左呀?

因為鋁罐入面唔淨止得鋁,熔鋁既過程亦有熔點高既固體副產品需要過濾,亦要蒸發熔點低既雜質;

加上一塊鋁餅蘊含十至十五個鋁罐既鋁金屬,無疑係一個比較節省空間既做法,呢個正正就係16號鍊金大典想達到既目標。

雖則暫時未有用鋁金屬製成既手工藝品可以演示到,但係我地會定期更新鑄鋁或者做鋁金屬手工藝既狀況。

發表回覆

你的電郵地址並不會被公開。 必要欄位標記為 *